Elva Gests

Í Danmörku

2008-02-16T05:54:00.000-08:00

Í Danmörku, í Álaborg, var ég um jólin hjá veiku ömmu minni. Mamma var mest að sinna henni en ég var mest í tölvunni með Önnu frænku minni. Einu sinni þegar við vorum í tölvunni kom mamma hlaupandi upp grátandi og sagði að amma mín væri dáin og mamma hennar Önnu frænku minnar sem er bara níu ára.
En ég hitti afa minn tvisvar sinnum með Önnu og keypti málningardót og ég málaði mjög mikið. Þá meina ég flott. Anna gerði mjög flott líka og bróðir hennar á kærustu og hún er líka mjög góð að mála og við máluðum allan daginn. Síðan fórum við í bíó og sáum mynd sem hét töfrapressan/ fyrsta sinn í bíó í Danmörku.
Nú bráðum kemur afi minn til Íslands. Fyrrverandi maður ömmu minnar. Síðan fór ég í jarðarförina hjá ömmu og það voru blóm í röð og fyllti allan ganginn í kirkjunni. Samt var það ekki svo mikið að maður gæti ekki gengið um ganginn. Þetta var sama kirkja sem ég var skírð í. Við völdum pláss fyrir ömmu þar sem við gátum séð heimilið sitt. Hún flýgur örugglega marga hringi í kringum Ísland og Danmörku.
Síðan fór ég heim. Var ég ekki búin að segja ykkur að ég flaug alein og það var spænsk kona við hliðina á mér og hún sýndi mér bók með myndum frá Spáni. Ég sýndi henni passann minn og hún sýndi mér passann sinn og myndir af börnunum sínum. Ég fékk ekki mikla þjónustu, ég bað bara um eitt vatnsglas.
Svo hitti ég mömmu og við fórum á Burger king. Ég borðaði nagga og franskar með majonesi. Mjög gott. Síðan þegar ég var hjá afa mínum í annað skipti fengum við pönnukökur með sykri og sultu. Svo fórum við í fjársjóðsleik. Hann er snillingur í honum.
Nú ætla ég að segja ykkur í hvaða leik ég fór mest í með Önnu frænku. Það var sims 2 og svo var einhver bílaleikur og einhver leikskólaleikur. Þeir voru mjög skemmtilegir og við bjuggum til simsfjölskyldu sem var með fjórum börnum. Síðan bjuggum við til eina fjölskyldu sem var Barbie fjölskyldu, þar sem mamman hét Barbie og pabbinn Kenn, alveg eins og í Barbie. Þau áttu eina stelpu sem ég man ekki hvað hét. Síðan fórum við skrítið hús í sims þar sem voru þrír hommar og einn homminn var óléttur! Anna kunni leyniorð sem gaf henni 900 milljónir og við vorum svo gráðugar að eftir nokkra klukkutíma áttum við bara fjórar milljónir eftir.
Ég fór auðvitað með mömmu minni heim og Davíð vini mömmu minnar. Þegar við komum heim, sofnaði ég í bílnum vaknaði heima og fór að leika.
Daginn eftir fór ég auðvitað til pabba. Auðunn var hálf smeykur við mig þegar hann sótti mig. Mér fannst hann vera að hugsa "Hvar ertu búin að vera, systa?" og horfði á mig með mjög ljótu augnaráði. Hann er auðvitað löngu búinn að jafna sig, þessi litli kútur.

Alein í flugvél

2007-12-12T13:04:00.000-08:00

23. desember árið 2007 gerist dálítið merkilegt. Ég fer alein í flugvél. Ég hef heyrt að maður fái alveg ofboðslega mikla athygli. Það er alltaf gaman að fara í flugvél og fá mikla athygli, en mamma mín fer 19. desember og ég verð í 15 daga og hún í 19 daga í Danmörku.

Ég hugsa mér að flugfreyjurnar fari fram og til baka og segi: er allt í lagi?, ertu svöng? Vantar þig eitthvað? Ég fæ leikfangatösku með mér og hún verður full af fjöri.

Það sem ég er...

2007-10-20T10:47:00.000-07:00

Ég er mjög skapstór.
Mér finnst mjög gaman að gera eitthvað merkilegt og komast að hlutum
Það sem mér finnst fyndið er svona eins og þegar vinkonur mínar labba inn í vitlaust sturtuherbergi í skólanum, en þeim fannst það ekkert skemmtilegt.
Eins finnst mér líka fyndið þegar eitthvað óvænt kemur í ljós, eins og þegar það er alveg þögn og þá heyrist allt í einu "förum við?" og öllum bregður.
Það sem mér finnst ekki skemmtilegt er þegar einhver vinkona mín segir kannski "þetta er mjög dónalegt" og mér finnst það ekki dónalegt. Svo líða nokkrir dagar þá segja þær það sama og ég sagði og ég segi að þetta sé mjög dónalegt og þá finnst henni það ekki allt í einu. Það sem mér finnst leiðinlegt þegar ég fer í frímínútur og vinkonur mínar segja "Elva komdu" eins og þær séu að skipa mér fyrir. Þá fæ ég ekki tíma til að gera það sem ég vil gera í frímínútunum.
Mér finnst blár vera flottur litur
Mér finnst nammi gott og uppáhaldsmaturinn minn er kjötsúpa.
Hver er ég þá?

Londonferðin

2007-09-24T13:29:00.000-07:00

Nú ætla ég að segja ykkur frá Londonferðinni minni.
Fyrsta daginn þá fórum við frá Heathrow í neðanjarðarlest. Næst fórum við í leigubíl. Bílstjórinn sat hinu megin en við erum vön. Það var alveg stórkostlegt hótel og við vorum svo uppgefin að við fengum hótelkonuna til að gefa okkur kex og djús. Svo fórum við beinustu leið í háttinn.
Næsta dag fórum við í British museum og sáum múmíur og peningasafnið þar og þar mátti maður snerta alls konar hluti. Þar var handklæði sem var notað sem peningur í gamla daga. Svo fór ég og pabbi í búðina þar. Þar keyptum við risastóran súkkulaðigullpening og pabbi keypti litla silfurpeninga sem voru með kínverskum stöfum á. Svo fórum við á kaffihús í London, hehe. Í gamalli götu var það. Mér fannst ógeðsleg fýla í því. Þess vegna tók það mig langan tíma að velja mér hvað ég ætti að fá, en loksins valdi ég mér mozarellasalat og muffin. Ég spurði Heiðrúnu hvort henni langaði að kaupa múmíubox sem var í einni búð, úr ekta gulli. Þá fórum við heim á hótelið aftur. Svo löbbuðum við bara um miðborgina og vorum að skoða. Við fórum niður að ánni. Þar var kaffihús sem var skip. Mjög huggulegt. Þar komu skoðunarferðaskip. Þar var eitt kurteist skip sem veifaði okkur. Um kvöldið fórum við í grillveislu. Við fórum til gamals vinar hennar Heiðrúnar. Það var fullt af ungabörnum með og ég var alein stærst af krökkunum. Svo fórum við bara heim og að sofa.
Næsta dag vöknuðum við og fengum okkur bröns. Ég fékk mér crossaint og ristað brauð með sultu. Svo fórum við í tveggja hæða strætó. Það var sko gaman. Við sáum höllina, London eye, ólétta styttu og einhverja veislu, styttu af ljóni. Við sáum göngubrú sem mátti bara fara undir og styttu af engli. Svo fórum við til baka eftir að hafa fengið okkur pizzu. Um kvöldið fórum við á veitingahús í London. Það var maður sem sagði að þetta væri bara rétt hjá, en það var samt mjög langt, við löbbuðum og löbbuðum. Ég fékk mér svínarif og litli bróðir minn stal einu sem ég var búinn að naga af og fór að borða af einu og tók svo servíettu og þurrkaði sér á henni. Við tókum við leigubíl heim, alveg uppgefin.
Næsta dag vöknuðum við eldsnemma. Þá fórum við aftur niður í bæ í stærstu leikfangabúð í London. Þar voru heilar fimm hæðir og ein sér stelpudeild og build a bear búð. Hún var svo stór að það þurfti næstum heilan dag þar. Svo fórum við í bláan leigubíl. Ég hef aldrei lent í leigubíl sem þurfti að stoppa að fá sér bensín. Svo héldum við áfram á Heathrow og þaðan heim.
ENDIR

Skólinn minn

2007-03-24T11:05:00.000-07:00

Nú er ég búin að læra að lesa. Það er ekkert svo erfitt, maður þarf bara að æfa sig svolitið, þá finnst manni það skítlétt. En ég er ekki búin að læra að skrifa í alvörunni, en samt er ég er búin að læra að skrifa nafnið mitt og ég er líka búin að læra að skrifa það með skrifstöfum.

Ballett

2007-03-23T04:39:00.000-07:00

Ég er að fara að dansa ballett í Borgarleikhúsinu. Það eru 5 dagar þangað til og ég get ekki beðið! Ég er búinn að vera að æfa mig í ballettskóla Eddu Scheving með Jónínu vinkonu minni og Ilmi og Álfrúnu. Við erum saman í skóla í Austurbæjarskóla.

Við erum búnar að vera að læra að vera stífar dúkkur, hoppa yfir polla í splittstökki, 1. position, því má aldrei gleyma þegar maður er að byrja að dansa.

11 dagar þangað til að ég fer til Danmerkur

2006-12-11T12:30:00.000-08:00

22. þá gerist svolítið spennandi. Þá fer ég til útlanda og gettu hvert ég fer, ég fer til afa míns og ömmu sem búa úti í Álaborg sem er í Danmörku. Það er borg sem er mjög mjög skemmtilegar. Þar eru göngugötur. Það eru eins og venjulegar götur, nema að þær eru bara gangstéttar.

Ég mun sakna allra sem ég þekki hér á Íslandi, líka Íslands. Það er líka svo margt skemmtilegt á Íslandi. Til dæmis eru fjöll á Íslandi en engin fjöll í Danmörku. Það er svolítið leiðinlegt, en það eru fleiri skógar í Danmörku en á Íslandi.

Í dag setti ég skóinn minn út í glugga. Ég gerði reyndar svolítið skemmtilegt. Það skemmtilega var að ég á lítinn bróður sem er 6 mánaða í dag og ég setti skóinn hans út í glugga og ég vona að jólasveinninn gefi litla bróður mínum eitthvað í skóinn.

Útlandaferð

2006-11-07T12:55:00.000-08:00

Á fimmtudaginn var, árið 2006, 2. nóvember fórum við til Amsterdam og svo til Brussel. Þar gerðist svolítið. Ég var að borða fiðrildasleikjó, þá beit ég óvart með einni tönn og hún losnaði. Ég og pabbi fórum í dýragarð. Þar var margt að sjá, við sáum ljón og fíla og gíraffa. Við sáum alls konar dýr meira að segja líka fiska. Við sáum styttu, vitiði hvað hún heitir? Hún heitir Mannikon Pis. Nú skal ég segja ykkur meira frá ferðinni. Það var sko gaman. En úti í útlöndum gerðum við ýmislegt. Ég fékk flottasta playmodótið sem ég hef séð. Ég keypti það með mínum eigin seðlum. Með tveimur seðlum sem voru fimmur, og einni tíu. Við fórum í göngutúr í skóginum. Við sáum geitur og suma á hestbaki. Ég fór með pabba, Heiðrúnu og Auðunni Páli.

Ég fer alltaf að sofa kl níu. Svo vakna ég kl átta, þá fer ég að undirbúa mig að fara í skólann.

Þriðja tönnin mín

2006-10-08T04:56:00.000-07:00

Í dag missti ég tönnina mína, hún var rosalega laus og ég gat varla borðað morgunmatinn minn. Ég er svo stolt af mér. Þetta er þriðja tönnin sem ég missi og núna var það önnur framtönnin. Hún var uppi og mér fannst svo gaman að hafa hana lausa. Ég vissi ekki fyrr en hún var bara dottin. Ég fann ekkert til og það var ekkert blóð. Kannski missir þú einhverntíma tönn

Brandarakvöld

2006-10-07T06:43:00.000-07:00

Í gær var brandarakvöld hjá mér og það var svaaaaaka mikið fjör hjá mér !!!!!!!!
Við fengum gúllassúpu í matinn, og við eigum brandarana í skál, vegna þess að Fanný frænka mín prentaði þá út og braut þá saman og setti þá í poka og kom með heim til mín.

Við fengum okkur líka snakk og það er næstum búið út af því að öllum fannst það svo gott.

Bestu brandararnir voru svona:
Einu sinni var kona sem átti hund sem hét Nýjasta tíska og einu sinni þegar hún var í baði þá stakk hundurinn, Nýjasta tíska af. Hún var í baði og hljóp út allsber og kallaði "Nýjasta tíska, Nýjasta tíska, Nýjasta tíska" og hundurinn kom til hennar. Næsta dag þegar hún fór út sá hún að allir voru allsberir !

Hinn brandarinn er svona:
Kennarinn spurði Sigga hvort han nvildi læra nokkur orð fyrir morgundaginn. Siggi var snillingurinn í bekknum svo hann svaraði játandi. Eftir skóla spurði hann pabba sing hvort hann kunne einhver orð en pabbi hans sagði:
"Þegiðu strákur, sérðu ekki að ég er að lesa blaðið"

Þá spurði hann mömmu sína og hún sagði: " Ekki núna, kannski seinna". Síðan fór hann upp til bróður síns en hann sagði: "Það er drulludeli í dyrunum" síðan fór hann til litlu systur sinnar og hún sagði bara "súperman"

Daginn eftir í skólanum spurði kennarinn hvað hann hefði lært. Siggi svaraði "Þegiðu strákur, sérðu ekki að ég er að lesa blaðið" Á ég að sækja skólastjórann? sagði þá kennarinn reiður. "Ekki núna, kannski seinna". Þá birtist skólastjórinn í dyrunum. "Það er drulludeli í dyrunum" sagði Siggi.

Þykistu vera eitthvað sagði skólastjórinn önugur. "Súperman", svaraði þá Siggi

Fyrsti skóladagurinn

2006-08-25T10:06:00.001-07:00

Í dag byrjaði ég í skóla. Ó, en hvað það var gaman. Við lituðum bara, næstum því. Samt var ógeðslega skemmtilegt að leika við vinkonur mínar. Besta vinkona mín var þarna, hún heitir Jónína. Ég kann símanúmerið til pabba, en ég ætla ekki að segja ykkur það, ég er nefnilega svo stór stelpa, en samt kann ég ekki alla stafina. Ég læri þá í skólanum. Það er þess vegna sem ég er í skólanum, til að læra að lesa og skrifa. Ég er 6 ára og þá er ég stór stelpa.

Ég ætla að segja ykkur brandara, en hann er svona
"Veist þú af hverju Hafnfirðingar standa alltaf úti á svölum þegar það eru þrumur og eldingar? Það er vegna þess að þeir halda að Guð sé að taka mynd af þeim"
HA HA HA HA HA HA
Það er bara gaman að vera stór stelpa. Ég vona að ykkur hlakki líka til að verða stór. Sumir sem eru orðnir stórir, finnst það örugglega líka. Allavegana fyrsta daginn.

Kennarinn minn heitir Bryndís. Skólinn minn heitir Austurbæjarskóli og hann er geggjað skemmtilegur, skemmtilegri en ég hélt og það vildi ég að ég þekkti alla í þessum skóla. Ég hef séð hrekkjusvín í þessum skóla. Ég sá að þeir voru að kasta steinum.

Litli bróðir minn er búinn að stækka meira en hausinn á sér. Auðunn Páll verður örugglega stærri en ég og sterkari, en þau sem þekkja mig gefa mér bara nornagjafir. Líka smá prinsessugjafir og Barbiedót og kannski líka skóladót. Ég elska pabba minn mjög mikið og mömmu og Auðunn Páll og líka stjúpmömmu, því það er nefnilega fjölskylda mín, en Auðunn Páll er krúttlegastur.

Útskrifuð úr leikskólanum

2006-08-21T14:00:00.000-07:00

Ég hætti í leikskólanum fyrir 3 dögum síðan. Ég fékk óskastein, sem er grænn á litinn og útskriftabók fékk ég og disk með myndum. Ég hlakkaði til að hætta í leikskólanum mínum en ég var búin að vera þarna í 4 ár og mér leið vel þar.

Á laugardaginn var menningarnótt. Ég var í mömmu húsi og við fórum að búa til tröllahljóðfæri.

Í dag fór ég í nornabúðina. Þar fékk ég töfrakuðung, sem við settum á leynistað, en ég vil ekki segja hvar hann er. Töfrakuðungurinn virkar þannig að foreldrar mínir verða skemmtilegri.

núna er nóg í bili.

Til hamingju Katja Marie

2006-08-16T15:40:00.000-07:00

Frænka mín á afmæli í dag og ég vona að hún skemmti sér vel. Hún heitir Katja og er orðin 6 ára í dag og var 5 ára í gær. Í gær hlakkaði hún örugglega til afmælisins síns. Stóra systir hennar heitir Ylfa. Núna er ég búin í bili.
Bless kæru vinir
Elva

Heiðmerkurferð

2006-07-07T04:54:00.000-07:00

Í gær vorum við úti í Heiðmörk að grilla með bestu vinum mínum sem heita Ylfa og Katja. Við lékum okkur saman mjög mikið og við fórum í pinkulítinn göngutúr aleinar. Geir bróðir þeirra fór í lengri göngutúr aleinn, villtist og þurfti að fá að hringja í pabba sinn úr síma frá einhverjum sem hann hitti.

Þetta var rosalega gaman, við fórum í kubb. Ég var í liði með pabba og við unnum ALLT, bæði konurnar og krakkana.

Nýjustu fréttir

2006-07-04T14:08:00.000-07:00

Elva stórasystur var sú fyrsta sem Auðunn Páll litli bróðir reif í hárið á. Það var nú ekki svo harkalegt, en samt doldið fast.

Fyrir dálítið löngu síðan, dreymdi hann lilla eitthvað illa. Ég er búin að fara til Svíþjóðar, Danmerkur og Spánar.

Draumaherbergið

2006-06-15T04:19:00.000-07:00

Ég á alveg ofsalega flott herbergi í nýju íbúðinni minni í pabba húsi, algert draumaherbergi.
Ég er að æfa mig að skrifa, enda byrja ég í Austurbæjarskóla næsta haust.
Skrifborðið er tilbúið fyrir skólagönguna
Þetta er dúkkuhúsið mitt, ég leik mér mikið með það.

Nú er ég komin með mína eigin heimasíðu

2006-06-03T15:31:00.000-07:00

Mér finnst gaman að hafa þessa heimasíðu. Ég vona að þér finnist hún skemmtileg. Ég er að bíða eftir því að verða stóra systir, sem ég hlakka mjög mikið til.

Ég hef fengið heilahristing, gert grænan kúk og svartan kúk og bráðum fer ég til Danmerkur.

Mér finnst gaman að leika mér.

Uppáhalds maturinn minn er kjötsúpa.

Ég á fiskabúr með mörgum fiskum og ég elska fiskana.